التحفة العامية في قصة فنيانوس

– فنيانوس ولا غلطان؟
– لا موش غلطان، فنيانوس وشقفة، وانت؟ موش ابو الأجران ولا أنا عميان؟
– أبو الأجران ونكعة. أهلًا وسهلًا، أهلًا بفنيانوس، كيف حالك؟ كيف خاطرك؟ كيف صحتك؟ كيف حال من فارقت؟ ورك يا مقصوف الدينة، كيف كيفك؟ قول لي؟ وشو هالرجعة؟ بعلمي قُلت ما بقيت ترجع عالبرازيل. إنشاء الله ما صار لك دَوْخة بالبحر!
– الحمد لله، مع توجّهات أنظارك، بكل صحّة. وانت كيف حالك؟ كيف صحتك؟ مشتاقين يا ابو الأجران. وين كل هالمدة؟ ما حدا سامع لك حِس ولا حسيس.